Cebuano News: P5.6M nga ‘smuggled cigarettes’ nakumpiska sa BIR-10
By Jessabel S. Achacoso
MALAYBALAY CITY (PIA)--Kapin 5.6 million pesos nga kantidad sa smuggled nga sigarilyo ang nakumpiska sa Bureau of Internal Revenue (BIR)-10 atol sa gihimong “raid” sa duha ka lugar sa Bukidnon.
Inubanan sa joint barangay ug police operatives, nikabat sa lima ka mga van nga puno sa kinarton nga sigarilyo ang nadiskubre sa mga otoridad sulod sa mga warehouse sa Kibawe ug Valencia City dinhi sa Bukidnon.
Nagkalain-laing mga ‘unfamiliar’ brand sa sigarilyo ang gikumpiska niadtong May 10 ning tuig, sama sa Ivana, Titan, Commando, Force, President, Premiex, Cambo, Kings, ug uban pa.
Gipasabot sa BIR nga dako ang mawala nga buhis sa gobyerno tungod sa smuggling sa sigarilyo.
Matud ni BIR 10 Investigation Division Chief Jamaloden Guro, paspas ang ginahimong pagpamaligya sa mga baratong sigarilyo nga walay buhis tungod kay gagamit ug pekeng BIR stamp ang mga smuggler.
Ang mga suspek nag-atubang sa mga kasong "Unlawful Business, Violation of Price Rules, Possession of Fake BIR Stamps, Failure to Issue Receipts, ug Tax Evasion."
Busa nanawagan si BIR-Bukidnon Revenue District Officer Mampay Pangcoga sa publiko nga mag-amping sa ginakonsumo nga sigarilyo.
“Ang DOH ay may panukalang "No Smoking" kasi nakakasira ito sa ating kalusugan. Kaya sa mga smokers dyan, itigil nyo na ang paninigarilyo,” matod ni Pangcoga.
Samtang giklaro ni Attorney Raihana Lucman nga posibleng gikan sa lain-laing nasud ang mga smuggled nga sigarilyo.
“Yes, it's possible. Kasi pag na-scan mo ang code ng pakete kunwari mula Vietnam, so posibleng nanggagaling ito sa Vietnam. Ang problema lang dito ay kung saan ito ipinapasok at sino ang mga tao sa likod nito,” sumala ni Lucman.
Gipasalig sab sa mga otoridad nga mas bantayan ang nagkadaiyang entry point sa probinsya sa Bukidnon aron mapugngan ang paglusot sa smuggled items. (JSAchacoso/PIA 10-Bukidnon)
.jpg)
Comments
Post a Comment